Një lokal është përpirë nga flakët mbrëmjen e sotme në fshatin Reç të Bashkisë Malësi e Madhe.
Mësohet se, biznesi Agro-Turizëm ishte hapur vitet e fundit, por fatkeqësisht i gjithë investimi u shkatërrua nga flakët e zjarrit.
Ende nuk dihet shkaku i zjarrit. Forcat e zjarrfikëse dhe policia ndodhen në vendngjarje për zbardhjen e plotë të shkaqeve të incidentit, ndërkaq nuk raportohet për të lënduar.
