Aktori i njohur i humorit, Florjan Binaj i ka surprizuar të gjithë me lajmin e ëmbël që ka dhënë. Binaj ka zbuluar se është bërë baba për herë të tretë. Partnerja e tij, Sabina ka sjellë në jetë një vajzë që e kanë quajtur Vjosa.
Aktori ka ndarë në rrjete sociale një imazh me dorën e së voglës. “VJOSA lumturoi pafund sot mamin, babin dhe familjen Binaj Faleminderit stafit të maternitetit Mbretëresha Geraldinë! Jetë të gjatë e vogla jonë!”, ka shkruar ai.
Kujtojmë që aktori ka qenë një zë i fuqishëm për ta kthyer lumin Vjosa në Park Kombëtar. Ai ka apeluar shpeshherë për të mbrojtur lumin e fundit të madh të egër të Evropës.
