Shkruar nga PamfletiDita e shenjtërimit të Shën Nënë Terezës është përkujtuar dhe nga ambasadori i SHBA në Tiranë, Donald Lu. Ambasada amerikane ka shpërndarë një foto tepër të veçantë dhe mbresëlënëse të të madhes Nënë Tereza, teksa kjo e fundit shfaqet në krah të Presidentit të SHBA, Ronald Regan, duke qeshur.
Fotoja është shkrepur në vitin 1986, ku Nënë Tereza ndodhet në Shtëpinë e Bardhë, ndërsa bisedon në krah të Presidentit Regan. Ndërkohë, 10 vite më vonë, më 1996, vetëm një vit para se nëna e lirisë, nëna e të gjithë botës të mbyllte sytë përgjithmonë, ajo mori titullin qytetare nderi amerikane nga Presidenti Klinton
“Foto e Ditës | 13 qershor, 1986. Presidenti Ronald Regan qesh së bashku me Nënë Terezën dhe Motrën Frederik, ndërsa të tre takohen në Shtëpinë e Bardhë. Nënë Teresa u dekorua me Medaljen e Lirisë nga Presidenti Regan dhe mori titullin qytetare nderi amerikane nga Presidenti Klinton në 1996. #DitaEShenjterimitTeNeneTerezes”, thuhet në postimin e ambasadës.
