Lindur më 1988 në Mooi River, në Afrikën Jugore, Candice Swanepoel-i është aktualisht një nga modelet më të famshme të botës. Karriera e saj filloi falë agjencisë “Select Model”, ku pas disa provave iu bë e mundur të zgjidhet dhe të sfilojë në pasarelat e botës që në moshën 16 vjeçare.
Aktualisht ajo shfaqet shpesh në revistat e modës si; “Vogue dhe Elle”. Gjithashtu janë të panumërta markat prestigjoze me të cilat ka punuar në harkun kohor të këtyre viteve, ku ndër të cilat përmendim: Tommy Hilfiger, Dolce e Gabbana, Chanel, Fendi, Givenchy, Dior, Blumarine, Michael Kors e shumë të tjera. Nga 2011-ta, ajo është figura kryesore e një parfumi të Versace-s.
Ka marrë pjesë dhe në disa fushata të ndryshme publicitare aq sa ka mbërritur në fokusin e revistës “Forbes” të cilët e kanë cilësuar si një ndër modelet më të paguara të botës falë rrogës së saj që sillet 3 milionë dollarëve.
Në 2014-tën ajo sfiloi dhe për “Desigual”, e gjithashtu po të njëjtin vit u zgjodh nga “Maxim” si gruaja më seksi e botës. Kurse në 2017-tën, Swanepoel-i mori pjesë në fushata të tjera publicitare të kalibrit “Miss Sixty” dhe “Tropic of C”, që bëjnë fjalë për një linjë kostumesh banjoje të dizenjuara nga ajo vetë. /PamfletiMAGAZINE
