Sport22 Shtator 2022, 22:54

Franca eviton turpin, Kroacia bën detyrën, Holanda mposht lehtësisht Poloninë, Belgjikës i mjafton një pjesë loje, De Biazi sheh dritë në fund të tunelit

Shkruar nga Pamfleti
Franca eviton turpin, Kroacia bën detyrën, Holanda mposht

Franca eviton turpin, Kroacia bën detyrën, Holanda mposht lehtësisht Poloninë, Belgjikës i mjafton një pjesë loje, De Biazi sheh dritë në fund të tunelit

Franca ka shmangur të paktën për momentin rënien në Ligën B falë fitores 2-0 ndaj Austrisë në Ligën e Kombeve. “Gjelat” ishin në vendin e fundit në grup, pas paraqitjeve shumë zhgënjyese që kishin dhuruar në këtë edicion edhe pse ishin fituesit në fuqi të turneut.

Megjithatë, golat e Mbape dhe Zhiru në pjesën e dytë siguruan që francezët të dilnin me 3 pikë nga fusha e lojës e të kapërcenin pikërisht austriakët në renditje, në një grup ku nuk kanë shanse për të shkuar në finalet e turneut, pasi vendi i parë është shumë larg. Ai mbahet nga Kroacia, e cila fitoi 2-1 ndaj Danimarkës duke ia rrëmbyer pikërisht skandinavëve këtë pozicion.

Ndërkohë, në Grupin 4 të Ligës B, Holanda dhe Belgjika kanë vazhduar duelin në distancë duke mundur përkatësisht Poloninë dhe Uellsin, teksa do të diskutojnë në duelin direkt të javës së ardhshme vendin e parë në këtë grup.

Kurse Turqisë i mjaftoi një barazim 3-3 me Luksemburgun për të siguruar vendin e parë në grup, që e ngjit në Ligën B në edicionin e ardhshëm dhe i garanton një vend në play-off të “EURO 2024”.

Në ndeshjet e tjera bie në sy fitorja në transfertë e Azerbajxhanit të Xhani De Biazit në fushën e Sllovakisë. Vendasit arritën të barazonin shifrat me shumë mundim me një penallti në minutën e 93, por skuadra azere ia doli të gjente golin në minutën e 5 shtesë, duke marrë një fitore të pamenduar e duke sjellë pak entuziazëm në radhët e kësaj përfaqësueseje ku puna e De Biazit është vënë në diskutim.

Sport Franca Holanda Polonia Turqia