Analisti Frrok Çupi i ftuar në studion e Breaking e ka cilësuar si të çuditshme faktin që presidenti Ilir Meta shmangu nga konsultimet Partinë Demokratike.
“Ishte moment shumë interesant për t’u studiuar nga psikologët, presidenti sipas Kushtetutës duhet të konsultohet me të gjitha partitë. PD është një parti parlamentare e madhe, duhet të këshillohesh. Duhet të konsultohesh, pastaj vendos vetë e shpall dekretin. Kjo është aq e vërtetë se ne kemi presidencë por s’kemi president. Njerëz me luhatje të tilla humori, si Meta, nuk duhet të jetë në presidencë. Ai ka luhatje humori në shumë raste. Nëse konsultohesh me PS, duhet të konsultohesh me PD”, tha Çupi.
Sa i përket zgjedhjeve të pjesshme në 6 bashkitë, analisti i njohur e cilësoi si momentin më të keq të PD-së për t’u përballur me elektoratin, duke theksuar se Basha duhet të shkëputet nga sulmet ndaj Berishës.
“Momenti më i keq, PD nuk është gati për të shkuar në zgjedhje, kam frikë e nuk do të jetë gati as pas tre vjetësh, nuk e ka kuptuar PD pozitën e vet , është në situatën kur duhet të formatohet, të gjejë ideologjinë, kauzat, platformat, bashkëpunëtorët, aleatët, duhet të harrojnë grindjet me grupin që ka dalë nga PD-ja. Ajo turret mbrapa diku dhe bllokohet. Vendi do opozitë duhet ta kuptojë dhe jo ti turret njerëzve. Berisha i ngjan personazhit të Zhan Pol Satrit që thotë se një shtatzënë i sheh të gjithë shtatzënë, i shikon si vetja. Nëse do të jenë të pavarur, mund të fitojë një njeri dhe jo të gjitha bashkitë”, theksoi Çupi.
