Bota20 Maj 2022, 22:30

"Furnizimi me ushqim në botë në rrezik", Borrell: Rusia po bombardon tokën e punueshme të Ukrainës

Shkruar nga Pamfleti
"Furnizimi me ushqim në botë në rrezik", Borrell: Rusia

"Sollën luftë në Evropë duke minuar kartën e OKB-së", Borrell: Rusia duhet të paguajë për rindërtimin e Ukrainës!

Përfaqësuesi i Lartë i BE-së për Politikën e Jashtme, Josep Borrell është shprehur së furnizimi botëror me ushqime është në rrezik kryesisht për shkak të luftës në Ukrainë.

Gjatë një takimi me ministrat e Zhvillimit të Bashkimit Evropian, Borrell është shprehur se: “Furnizimi botëror me ushqime është në rrezik, kryesisht për shkak të pushtimit rus të Ukrainës.”

Numrat flasin vetë. Vitin e kaluar, në 2021, Rusia dhe Ukraina ishin ndër eksportuesit kryesorë të drithërave dhe farave të lulediellit dhe vajit. Ato përbënin rreth 50% të tregtisë botërore të vajit luledielli, vetëm për të dhënë një shembull 50% e vajit të lulediellit vinte nga Ukraina. Rusia po pushton ose bombardon pjesë të tokës së punueshme të Ukrainës dhe vlerësohet se gati gjysma e grurit dimëror, gati 40% e thekës dhe më shumë se 60% e misrit që do të korret në verë 2022 ndodhet në zonat në rrezik.

Midis 20% dhe 30% e sipërfaqeve të prodhimit të drithërave dimërore, misrit dhe farave të lulediellit në Ukrainë do të mbeten të pavjelura ose të pambjella këtë pranverë. Kjo për të dhënë një ide se sa do të dëmtohen kapacitetet bujqësore të Ukrainës nga lufta”, tha kreu i diplomacisë evropiane.

Bota #lufta në Ukrainë BE Borrell