Përfundon “El Klasiko” e javës së 10 në kampionatin spanjoll. Barcelona është mundur nga Reali i Madridit në “Camp Nou” me rezultatin 1-2. Një gol fantastik nga David Alaba në minutën e 32, ndërsa asisti i Benzema ishte perfekt për mbrojtësin austriak që doli shpejt në krah dhe finalizoi
Por, faji i takon i gjithi Dest, i cili pak minuta më parë kishte rastin më të mirë të ndeshjes dhe vetëm disa hapa larg portës gaboi fatalisht, duke ngritur topin lart pas një aksioni manuali për Barcelonën.
Edhe Vinisius Zhunior gjithashtu pati rastin e tij duke dribluar dy herë Ter Shtegen, por u vonua në goditjen, që më pas u bllokua nga mbrojtja e Barcelonës.
Përpara golit të Alabës, kishte një episod të diskutueshëm brenda zonës së Barcelonës, ku Vinisius Zhunior depërtoi dhe më pas u ndalua mes dy mbrojtësve katalanas.
Braziliani protestoi menjëherë dhe kërkoi që të shihej në VAR, ashtu si edhe Benzema & Co, por arbitri bëri me shenjë se ishte gjithçka “Ok”. Protesta edhe nga Ançeloti, i cili më pas shkoi tek arbitri në fund të pjesës së parë duke kërkuar llogari.
Për ekipin e Ançelotit, pas disa rastesh nga Vinisius por edhe pasi vuajti jashtë mase nga presioni i katalanasve te Kuman, erdhi goli i çlirimit në kundërsulm për Vaskez.
Aguero do të shënonte në fund golin e 1-2, por vërshëllima e trefishtë e arbitirit i dha kështu fund “El Klasikos”.
Me këtë fitore, Reali mban vendin e parë me 21 pikë, po aq sa Sociedadi dhe Sevija, ndërsa Barcelona renditet në vendin e 8 me 15 pikë.
