Ulen tensionet midis presidentit turk Rexhep Tajip Erdogan dhe homologut të tij francez Emmanuel Macron. Lajmi është dhënë nga Ministri i Jashtëm turk Mevlut Çavusoglu , i cili ka thënë se hapin e parë e ka hedhur presidenti turk, cili i ka dërguar një letër Macron-it për t’i uruar vitin e ri apo dhe për të shprehur ngushëllimet për sulmet terroriste në Francë.
Nga ana tjetër, sipas tij Macron nuk e ka injoruar letrën duke i kthyer përgjigje. Ai i ka dërguar një letër shumë pozitive këtë javë, duke filluar me përshëndetjen “I dashur Tajip” dhe duke thënë se ai ishte i hapur për një takim. Presidenca franceze konfirmoi shkëmbimin e letrave pa dhënë detaje.
“Tani na duhen gjeste të prekshme” nga Ankaraja, tha presidenca franceze.
Marrëdhëniet midis BE dhe Turqisë janë tensionuar për një numër çështjesh, duke përfshirë kërkimin për hidrokarbure në Mesdheun Lindor, ku Ankaraj ka qenë në mosmarrëveshje me vendet anëtare të BE Qipro dhe Greqi. Si dhe sulmet terroriste të njëpasnjëshme në Francë.
