Një pako e dyshimtë, e gjetur në rrugë, ka vënë në alarm policinë e Shkodrës.
Nga të dhënat paraprake bëhet me dije se, pakoja është gjetur në anë të rrugës në lagjen “Vojo Kushi” dhe nuk dihet ende çfarë materiali mund të ketë brenda.
“Rreth orës 16:00, jemi njoftuar se në lagjen Vojo Kushi” Shkodër, në anë të rrugës, është konstatuar një pako, brenda së cilës, nuk dihet ende, se çfarë materiali/esh ka.
Shërbimet e Policisë kanë vendosur perimetrin e sigurisë në vendngjarje dhe po verifikojnë rastin. Janë njoftuar forcat xheniere, për të kryer veprimet e mëtejshme”– thuhet në njoftimin e policisë.
