Shkruar nga PamfletiGjukanoviç paralajmëron zgjedhje të jashtëzakonshme në Mal të Zi, sulmon Serbinë dhe Rusinë: Synojnë të na nxjerrin nga rruga euroatlantike!
Presidenti i Malit të Zi dhe njëherazi lideri i DPS-së Milo Gjukanoviç është shprehur i bindur se në tre muajt e ardhshëm vendi do të ketë zgjedhje të parakohshme parlamentare.
Gjatë një fjalimi të mbajtur në konventën e koalicionit DPS-SDP-SD, para zgjedhjeve lokale, Gjukanoviç theksoi se nëse nuk do t’i japë mandat Miodrag Lekiçit, do të shpallë zgjedhje të jashtëzakonshme.
“Jam i sigurt se sot po të zhvillohen zgjedhjet parlamentare, fitoren e kemi në xhep. Natyrisht, mbetet që ta përmirësojmë këtë fitore të sigurt dhe të krijojmë kushte për një menaxhim më efikas të Malit të Zi. Dhe para kësaj është e rëndësishme të bëjmë një punë të mirë në zgjedhjet lokale”- tha Gjukanoviç, raporton B92.
Udhëheqësi malazez deklaron se Mali i Zi ka nevojë për një kthesë politike, e cila do ta ndalë tensionin në vend. Sipas Gjukanoviç, Mali i Zi po përjeton krizën më të vështirë në historinë e saj e cila filloi në vitin 2015, dhe që pati kulmin e saj pas zgjedhjeve parlamentare të vitit 2020.
“Kriza aktuale është politike, edhe e sigurisë institucionale, financiare dhe ekonomike. Është një agresion i poshtër që ka dashur ta nxjerrë Malin e Zi nga konstelacioni politik evropian dhe euroatlantik dhe ta kthejë atë, përmes hollit të të ashtuquajturës “Open”. Programi ekonomik i Ballkanit, në Serbinë e Madhe, nën ombrellën e sigurisë së “Rusisë së Madhe. Në periudhën e parë, kriza e sigurisë u reflektua në përpjekjet e qeverisë së re për të kompromentuar Malin e Zi si një vend anëtar i NATO-s nëpërmjet daljes së pakontrolluar të sigurisë”, ka thënë ai.
