Aktualitet24 Nëntor 2022, 22:54

"Gjykata asgjësoi CD-në dhe serverin!", Klodiana Lala: Personi që përmend Çapja është Taulant Balla

Shkruar nga Pamfleti
"Gjykata asgjësoi CD-në dhe serverin!", Klodiana Lala:

Gazetarja Klodiana Lala, ka folur për vendimin e gjykatës për asgjësimin e një përgjimi të Taulant Ballës, pasi prokuroria kishte kërkuar heqjen e tij nga përgjimi dhe shkatërrimin e materialit, pasi përgjimi ishte një gabim.

E ftuar në emisionin “Të Paekspozuarit”, Lala tha se gjykatësja jo vetëm ka vendosur asgjësimin e CD-së, por edhe të serverit!

Kujtojmë se kjo ngjarje u deklarua fillimisht nga Ardjan Çapja në sallën e gjyqit, ku ai lëshoi akuza të forta për një politikan me emrin Taulant, që i referohet Taulant Ballës.

Gjatë marrjes në pyetje, Çapja pretendoi se një zyrtar i lartë, politikan me emrin Taulant, është përgjuar në lidhje me masakrën e 3 shkurtit 2016, ku u vranë 3 persona dhe u plagosën 8 të tjerë. Janë venë në përgjim disa persona.

Çapja deklaroi se një politikan është përgjuar në këtë ngjarje. I vetmi politikan me emrin Taulant, është Taulant Balla, por Çapja nuk e tha me emër dhe mbiemër. Pastaj, vijoi me akuza të forta ndaj prokurorit të çështjes.

Mes të tjerash, Çapja deklaroi se gjykata e Elbasanit ka vendosur ta asgjësojë përgjimin. Është firmosur nga Zamira Vyshka. Çfarë thotë vendimi? Është urdhëruar përgjimi i disa personave, mes të tjerave shtetasi Taulant, por nuk jepet mbiemri dhe funksioni.

Më pas, oficeri i policisë gjyqësore i referon përgjimet prokurorit. Prokurori pretendon se numri i shtetasit Taulant ishte lapsus dhe ky numër nuk mund të vijonte të përgjohej.

Gjykata ka vendosur të asgjësohet CD me përgjime. E dyta, të fshihet server në Prokurorinë e Përgjithshëm!”, deklaroi Lala.

Aktualitet Balla Çapja Taulant