Kosova18 Maj 2022, 11:16

Gjykata e Hagës dënon me 4 vjet e gjysmë burg Hysni Gucatin dhe Nasim Haradinajn

Shkruar nga Pamfleti
Gjykata e Hagës dënon me 4 vjet e gjysmë burg Hysni Gucatin dhe

Dhomat e Specializuara të Hagës ka shpallur fajtorë Drejtuesit e Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati dhe Nasim Haradinaj, duke i dënuar me 4 vjet e gjysmë burgim.

Atyre do t’iu llogaritet edhe koha e kaluar në paraburgim, rreth dy vjet, e si rezultat do të qëndrojnë në burg edhe 2 vjet e gjysmë.

Pjesë e dënimit është edhe pagesa e një gjobe prej 100 eurosh.

Hysni Gucati dhe Nasim Haradinaj u arrestuan më 26 shtator 2020 me urdhër të Gjykatës Speciale të Hagës.

Ata u akuzuan për vepra penale kundër administrimit të drejtësisë, përkatësisht për pengim të personave zyrtarë në kryerjen e detyrave, frikësim të dëshmitarëve, hakmarrje si dhe shkelje të fshehtësisë së procedurës.

Prishtine #Hysni Gucati #Nasim Haradinaj #Hagë