Roma ka marrë një fitore të thellë 2-4 në transfertë ndaj Empolit. Verdhekuqtë arritën fitoren e dytë radhazi në kampionat dhe konfirmojnë formën e mirë që po kalojnë, ndërkohë Empolit i shkon në 6 numri i ndeshjeve pa fitore.
Kjo fitore e ndihmon më shumë Romën për të arritur një vend në zonën “Champions”. Gara është e fortë, por ekipi i Murinjos tregoi dhe një herë forcë në kampionat.
Kumbulla e ndoqi të gjithë takimin nga stoli.
Nga ana tjetër, Empoli ka humbur shkëlqimin që kishte në startin e këtij sezoni. Nedim Bajrami, edhe pse shënoi një gol të bukur nga distanca, sërish nuk i mjaftoi ekipit të tij për të shmangur humbjen.
