Shifrat e koronavirusit mbeten të larta në Greqi. Mësohet se në 24 orët e fundit janë regjistruar 17,960 raste të reja me koronavirus.
Fatkeqësisht 15 qytetarë nuk e kanë fituar betejën me koronavirusin gjatë këtyre 24 orëve ndërsa 395 pacientë janë shtruar në spitale.
Aktualisht në spitalet COVID po marrin trajtim mjekësor 646 pacientë, prej të cilëve 518 janë të pavaksinuar ose kanë marrë vetëm një dozë të saj.
Prej fillimit të pandemisë në Greqi kanë humbur jetën në total 22,970 persona.
