Bota20 Korrik 2022, 21:46

Gruaja e Zelenskyt flet në Kongresin e SHBA, kërkon më shumë armë për Ukrainën

Shkruar nga Pamfleti
Gruaja e Zelenskyt flet në Kongresin e SHBA, kërkon më shumë

Zonja e Parë e Ukrainës, Olena Zelenska, ka kërkuar nga Shtetet e Bashkuara, më shumë armë të cilat mund të përdoren për të parandaluar sulmet ajrore ruse që “vrasin fëmijët në karroca”, dhe të cilat mund të mbrojnë ukrainasit nga “sulmet terroriste” ruse.

Zelenska, e cila gjendet për vizitë në Uashington këtë javë, ka folur para Kongresit amerikan më 20 korrik, duke thënë se Ukraina është mirënjohëse për ndihmën ushtarake që i ka siguruar SHBA-ja, ndonëse tani ka nevojë për sisteme ajrore për mbrojtje.

Ne duam që secili baba dhe secila nënë të mund t’iu thonë fëmijëve që mund të bëjnë gjumin në paqe. Që nuk do të ketë më shumë sulme ajrore”, ka thënë ajo.

Ajo është shprehur se armët që ka kërkuar ajo nuk janë të llojit për të nisur luftë në territorin e një shteti tjetër, “mirëpo për të mbrojtur shtëpitë dhe për të pasur mundësinë e zgjimit nga ajo shtëpi”.

Ndërkohë Anëtarët e Kongresit duartrokitën fjalimin e saj dheu shprehën të gatshëm që të autorizojnë më shumë ndihma.

Kujtojmë se SHBA ka ndarë tetë miliardë dollarë si ndihmë për Ukrainën, prej nisjes së luftës.

Zelenska, e cila ka vizituar Shtëpinë e Bardhë më 19 korrik, ka thënë se derisa ligjvënësit amerikanë mund të vazhdojnë punët e tyre, ajo dhe nënat tjera në Ukrainë hamendësojnë nëse fëmijët e tyre do të kthehen në shkolla në vjeshtë, derisa mësuesit mendojnë nëse do të mund të mbajnë klasat nën zhurmën e bombave.

Përveç takimit me presidentin amerikan, Joe Biden dhe Zonjën e Parë amerikane, Jill Biden në Shtëpinë e Bardhë, Zelenska ka takuar edhe Sekretarin amerikan të Shtetit, Antony Blinken.

Bota #Zonja e parë ukrainase arme SHBA