Festat e fundvitit janë afër dhe në shumë familje ka nisur të bëhet pema e vitit të ri, madje si rrallë ndonjëherë, mbase edhe për t’u shpenguar pak nga situata pandemike, pema këtë vit ka nisur të bëhet që në fund të nëntorit.
Një grua australiane është çuditur kur ka gjetur një ‘zbukurim’ të pazakontë në pemën e saj të krishtlindjeve, asgjë më pak se një koala.
E befasuar nga vizitorja e pazakontë, Amanda Mçormick, e cila jeton në Luginën e Coromandel afër Adelaide, Australinë e Jugut, telefonoi organizatën lokale të shpëtimit të koalës ‘1300Koalaz’.
“Këtë mbrëmje operatori ynë i linjës së telefonit mori një telefonatë. Në fillim ajo mendoi se ishte viktimë e një shakaje. Por jo, një koala e dëshpëruar për të hyrë në shpirtin e saj ishte endur në shtëpinë e Amanda McCormick dhe vendosi që dëshironte të ishte zana në pemën e Krishtlindjes” – shkruan organizata në një postim në Facebook ditën e mërkurë.
Dee Hearne-Hellon, bashkëthemelues i 1300Koalaz, i tha CNN se nuk është e padëgjuar që koalët të hyjnë në shtëpi, por nuk është një dukuri e përditshme.
Qeveria australiane ka krijuar një fond prej 18 milionë dollarësh amerikanë për mbrojtjen e koalave në atë vend.
