Këngëtari i mirënjohur shkodran Frederik Ndoci, ka qenë së fundmi i ftuar përballë moderatores Ester Bylyku, në emisionin “Glamour Zone”, ku ka rrëfyer një nga tragjeditë më të mëdha të jetës së tij.
Martesa e tij e parë, përfundoi pak pas zhvendosjes në Amerikë. Frederiku tha se ish-gruaja e parë ishte lesbike. I pyetur nga Ester, si e zbuloi që ish-bashkëshortja, njëkohësisht dhe nëna e dy vajzave të tyre ishte lesbike, Frederiku tha: “Pasi u bëmë me dy fëmijë, i morëm në krahë dhe vendosëm të iknim jashtë. Pastaj sa shkuam në Amerikë, ajo më tha ‘Unë dua Suzanën, jo ty’”.
Më tej ai tha se ish-gruaja këto prirje i ka pasur që kur jetonte në Shqipëri, gjatë sistemit komunist, shumë vite përpara se të shkonte në Amerikë. “Unë merrja pjesë në filma nga 2-3 muaj, ajo merrte një shoqe se kishte frikë të flinte vetëm. Po, ku i dinim ne këto punë? Këto janë gjëra të studiuara, edhe në shkollë bëhet edukatë të dish prirjet e njeriut. Kurse atëherë nuk i dinim ne. Nëse nuk shkonte me mashkull, thoshim se e kam te ndershme, e kam në rregull”, tha ai.
Më tej ai tha se me vajzën e dytë, Klea ka marrëdhënie shumë të mira. Por njëkohësisht ai ndau me publikun dhe një histori të vështirë të jetës së saj. “Ishte një periudhë shumë e keqe e vajzës sime Klea. Duket se e ka ndjerë largimin tim, sepse ishte shumë e lidhur me mua dhe ka parë realitetin në anën tjetër që nuk ishte shumë pozitiv për të dhe më kollaj e kanë ato jetën e vagabondazhit se të të dhurojnë një tufë me lule. Edhe (Klea) ishte adicction ( e varur nga lëndët narkotike). Shansi ishte që iku nga ky addiction, dhe hapi një emision televiziv”, tha ai.
