Kryebashkiakët e Vjenës, Berlinit dhe Madridit kanë rënë pre e një video telefonate mashtruese, nga një telefonues i cili pretendonte se ishte kryebashkiaku i Kivit, Vitali Klitschko.
Hakeri mbajti një fjalim dyshues për pak kohë, derisa pas 15 minutash një ndërprerje e lidhjes bëri që komunikimi të shkëputej. Duke qënë se biseda mori një hije dyshimi pasi “Klitscho i rremë” filloi të kërkonte kthimin e refugjatëve ukrainas në Gjermani për t’i regjistruar, kryebashkiakja e Berlinit telefonoi ambasadorin ukrainas në Gjermani i cili konfirmoi se nuk ishte ai në video telefonatën e bërë.
“Nuk kishte asnjë shenjë se nuk ishte një person i vërtetë që fliste dhe ne besojmë se kemi të bëjmë me një falsifikim të thellë. Kjo teknikë ë një instrument të ri lufte”, tha zyra e saj në një deklaratë.
Një dinamikë e ngjashme përfshiu edhe kryetarin e bashkisë së Madridit, José Luis Martinez Almeida.
Ndërkohë, kryetari i bashkisë së Vjenës, Michael Ludëig, postoi në Twitter të mërkurën se kishte biseduar gjerësisht me kryebashkiakun e Kievit, por postimi u fshi të shtunën, pasi zyra e kryetarit të kryeqytetit austriak lëshoi një deklaratë duke shpjeguar se kryetari i bashkisë ishte viktimë e “një episodi të rëndë të krimit kibernetik”.
“Fatmirësisht nuk jemi marrë me çështje veçanërisht të ndjeshme”, tha kryebashkiaku.
Sa i përket Kryetarit të Bashkisë së Kievit, Klitschko, ai kërkoi që liderët europianë t’i kushtojnë vëmendje mënyrës si përcaktojnë takime dhe biseda me të.
“Kushtojini vëmendje se si përcaktohen takimet me mua. Bisedat zyrtare bëhen vetëm përmes kanaleve zyrtare”, u shpreh ai.
