Kryeministri i Republikës, Ramush Haradinaj ka falënderuar Gjermaninë për përkrahjen e Kosovës rreth çështjes së vizave.
Pas takimit që zhvilloi me ministrin e Punëve të Brendshme, shefi i ekzekutivit kosovar konfirmoi se Berlini zyrtar do të përkrahë Kosovën për çështjen e liberalizmit.
Postimi i plotë i Haradinajt:
“Danke Deutschland! Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e Gjermanisë për liberalizimin e vizave.
Faleminderit Kancelares Merkel dhe shtetit Gjerman për besimin dhe përkrahjen e vazhdueshme për popullin e Kosovës”, ka shkruar ai./ZËRI