Batërdia e këtij drejtori, ia ka kaluar dhe ish-paraardhësit Klodian Gradeci, por nuk preket mbasi ka mburojë Bablokun dhe Lali Erin
Një tjetër rekord për tendera skandalozë, ka regjistruar 2 javë më parë, drejtori i OST, Skerdi Drenova, ose “beu” i kësaj kompanie shtetëtore, ku qarkullojnë miliona Euro të buxhetit të shtetit, grande të BE, taksa e tarifa publike.
Bëhet fjalë, për tenderin e datës 16 janar dhe shpallur fituesi më 30 janar 2021, me objekt shërbimi “Pastrim dhe mirëmbajtje gjelbërimi” në oborrin e godinës qëndrore të OST.
Sipas kontratës që ka lidhur me firmën “Silvio shpk”, drejtor Skerdi Drenova, ka akorduar 168 milionë lekë nga të ardhurat e OST; për 1 vit shërbim pastrimi e gjelbërimi, ose 13.5 milionë lekë të vjetra në muaj, madje fituese është vlera me e madhe se oferta tjetër.
Referuar “CV” së tij, rezulton se Drenova, ka qenë drejtor në TV TOP-in e Vjollca Hoxhës, pastaj drejtor i Inspektoriatit Ndërtimor në Bashkinë Tiranë me Lali Erin; ndërsa qysh prej muajit janar 2019 është drejtor i OST.
Nëse SPAK-u ka ndërmend të merret me zullumet e këtij drejtori, po i kujtojmë një fakt nga raporti i Auditit të Ministrisë Financave: gjatë 1 viti në krye të këtij enti publik, Skerdi Drenova ka bërë edhe 57 tendera, me vlerë mbi 2 milionë Euro, për shërbime fiktive e investime që përsëriten brenda pak muajsh pas përfundimit të punimeve; 50% e të cilëve i janë dhënë firmave “G.A.C shpk” e “Shansi Ivest” të xhambazit Shpëtim Cinga./Pamfleti
