Harbohet Genta Bungo e KPK, fut në listën e “Veting” edhe 2 gjytarët qefli seksi; njëri i shkarkuar, tjetri në burg

Ku i “shëtit” mendja, biznesmenes së zyrave përbarimore me aktvitet mafioz?

Një tjetër vendim anormal zyrtar e ligjor, ka firmosur Kryetarja e Komisionit të Pavarur të Kualifikimit (KPK), Genta Bungo (Tafa); lidhur me emrat, në shortin e datën 16 dhjetor 2019, për “Veting”-un e 120 gjyqtarëve dhe prokurorëve.

Në listen, që ka shpallur sot datë 17 dhjetor 2019, Kryetarja e KPK, Genta Bungo (Tafa), ka futur dhe emrat e dy gjyqtarëve, të cilët nuk janë më pjesë e sistemit të drejtësisë, të përjashtuar për abuzime të rënda ligjore e morale, gjatë ushtrimit të detyrës.

Nuk e dime, se ku vazhdon “i shëtit mendja” kryetares Bungo, por në listën për “Veting” gjatë vitit 2020, janë futur edhe dy ish-gjyqtarët, Roland Hysi i Fierit dhe Guximtar Boçi i Gjirokastrës, paçka se të dy nuk janë prej kohësh në sistemin e drejtësisë

Ish-gjyqtari i Gjirokastrës, Guximtar Boçi, është përjashtuar qysh në datën 28 dhjetor 2016; pas skandalit, ku ai shfaqej duke i kërkuar favore seksuale në shkëmbim të favoreve ligjore, një qytetareje që gjykohej prej tij, madje përjashtimi është vulosur dhe nga KLGJ, me Vendim Nr. 242, datë 29.10.2019.

Në listën e “Veting”-ut, kryetarja Genta Bungo (Tafa), ka futur dhe ish-gjyqtarin e Fierit, Roland Hysi, i cili qysh prej muajit janar, me Vendim Nr. 5, datë 09.01.2019 është në burg; dënuar me 3 vite heqje lirie, pas arrestimit për një video-skandal, ku ai shfaqej duke i kërkuar favore seksuale, në shkëmbim të favoreve ligjore, një qytetareje që gjykohej prej tij./Pamfleti