Prokurori i Përgjithshëm Olsian Çela është shprehur pro hartës së re gjyqësore dhe për këtë ka firmosur një deklaratë me shkrim të cilën e ka nisur tek Ministri i Drejtësisë, Ulsi Manja.
“Në këtë vështrim sipas kushtetutës dhe ligjit përfshihet sistemi i prokurorisë me ndikim në riorganizimin e prokurorive pranë gjykatës së Shkallës së Parë dhe prokurorisë pranë Gjykatës së Apelit me juridiksion të përgjithshëm sipas kompetencave të gjykatave, riorganizim të cilin e vlerësojmë si nevojë emergjente për përmirësimin e funksionalitetit, efiçent në sistemin e prokurorive”, thuhet në shkresë.
Kjo vjen në një kohë ku qindra avokatë kanë bojkotuar seancat gjyqësore kundër hartës së re gjyqësore. 13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend.
