Aktualitet18 Shtator 2018, 10:40

Heroinë, kanabis çokollatë, granata e arsenal armësh. Policia i prish ‘strofullën’ trafikantit të Beratit

Shkruar nga Pamfleti
Heroinë, kanabis çokollatë, granata e arsenal armësh.

Heroinë, kanabis çokollatë, granata e arsenal armësh. Policia i prish 'strofullën' trafikantit të Beratit

Një sasi prej 400 kg drogë, 2.5 kg heroinë dhe një arsenal armësh janë kapur në Berat. Lënda narkotike dhe armët janë zbuluar në banesën e një shtetasi, gjatë një aksioni të Policisë së Beratit, të koduar ‘Kalaja’.

Aksioni i policisë është ndërmarrë në lagjen “13 shtatori” në banesën e shtetasit L.B, 47 vjeç, i cili konsiderohet si posdues i lëndëve narkotike dhe armëve si një arkë me 35 granata ofensive dhe 40 difensive. 

Njoftimi i Policisë:

Berat

Finalizohet operacioni “Kalaja’’

Sekuestrohet Heroinë, Cannabis, granata difensive dhe ofensive

Shpallet në kërkim poseduesi i tyre

Në zbatim të Planit Opracional për kapjen e personave me rrezikshmëri të lartë shoqërore, të atyre që ushtrojnë veprimtari kriminale në fushën e narkotikëve, të armëmbajtjes pa leje, apo lëndëve shpërthyese, si dhe bazuar në informacionet e marra në rrugë operative, nga Seksioni Kundër Narkotikëve dhe Trafiqeve në bashkëpunim me shërbimet policore të DVP Berat u zhvillua operacionin i koduar “Kalaja”. ku u shpall në kërkim shtetasi:

L.B, 47 vjeç, banues në Berat.

Në kuadër të operacionit u ushtrua kontroll në banesën e shtetasit L.B në lagjen “13 Shtatori” ku gjatë kontrollit u gjetën në banesë 441 kg lëndë narkotike Cannabis Sattiva e përpunuar në formën e Çokollatës, 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike” “Mbajtja e armëve dhe municioneve ushtarake” parashikuar nga nenet 283/1, 278 të Kodit Penal.

Aktualitet arme Berat drogë Heroinë