Kosova 1 Tetor 2022, 08:35

I dërguari i Gjermanisë: Skenari më i keq i Serbisë në Kosovë është krijimi Republikës Srpska e re

Shkruar nga Pamfleti
I dërguari i Gjermanisë: Skenari më i keq i Serbisë në

Përfaqësuesi Special i Gjermanisë Manuel Sarrazin

I dërguari special i qeverisë Federale Gjermane për Ballkanin Perëndimor, Manuel Sarrazin një intervistë për emisionin ‘Balkan Talks’ tha se në dialogun mes Kosovës dhe Serbisë është e rëndësishme të mos ketë tabu.

I pyetur lidhur me çështjen e asosacionit të komunave serbe, Sarrazin tha se Kosova nuk duhet të ketë frikë nga ky diskutim.

Diplomati i lartë gjerman u shpreh se skenari më i keq në këtë rast është krijimi i një Republika Srpska të re, gjë që siç tha nuk do të pranohet.

“Nga ana tjetër, është gjithashtu e qartë se skenari më i keq ndonjëherë është i gabuar. Mund të jetë krijimi i një Republika Srpska të re, gjë që nuk është në interesin e askujt. Ne nuk do ta pranojmë një rezultat të tillë. Unë mendoj se shumica e popullit të Kosovës, asnjë politikan i Kosovës nuk do të pranojë këtë gjë. Pra, është gjithashtu e qartë se nuk duhet të keni shumë frikë nga ky diskutim. Se duket sikur ka më shumë frikë që të mos bëhet ky diskutim.

Është shumë e vështirë politikisht, siç dhe tema e njohjes sigurisht shumë e vështirë në Serbi. Por mendoj se kjo gjë nuk do të përfundojë mirë, nëse nuk fillojmë të prekim edhe çështje të vështira dhe gjithashtu të rrisim ndërgjegjësimin në shoqëri se: po, sigurisht që do të përballemi me vështirësi, por dua të them se mund të fillojmë të shohim si mund të duket kjo gjë”, u shpreh Sarrazin.

Prishtine Kosova Manuel Sarrazin Serbia

Kosova