Aktualitet22 Shtator 2022, 13:31

I dështoi “revolucioni” që paralajmëroi me Metën, Berisha ndryshon skemë: Qytetarë dilni në greva të përgjithshme

Shkruar nga Pamfleti
I dështoi “revolucioni” që paralajmëroi me

Sali Berisha, Kuvend, 22 Shtator 2022

Ish-kryeministrin Sali Berisha nga foltorja e Kuvendit ka bërë thirrje për greva masive për çdo kategori qytetarësh që trajtohet si mos më keq.

Berishës të cilit i dështoi revulucioni që kishte parlajmëruar sëbashku me Ilir Metën, tha se protestat dhe grevat janë e vetmja rrugë për ti prerë biletën qeverisë Rama.

Non gratës siç duhet nuk po i ecin planet e revulucionit për të rrëzuar Ramën dhe ka ndyshuar skemë për të përhapur kaos në vend.

Nga Kuvendi,  ai i bëri thirrje administratës, policëve, mësuesve, studentëve, nxënësve dhe mjekëve për t’u ngritur në grevë,  pasi sipas tij kjo që po ndodh në Shqipëri nuk ndodh në asnjë vend tjetër.

“Si një mësues qoftë edhe i ekselencës për bindjet e tij duhet të presë 6-7 vite për t’u sistemuar. I bëj thirrje sindikatave të organizojmë grevën e përgjithshme që është grevë për dinjitetin e secilit. I bëj thirrje mjekëve që e shohin këtë rrënim se si shqiptarët vdiqën më shumë se në çdo vend tjetër të Europës.

Vdiqën sa në tre katër vendet me vdekshmërinë më të lartë nga COVID në botë. Mjekë të shkëlqyer që largohen nga vendi. Janë njerëzit më të keqpaguar dhe keqvlerësuar. Cila mbetet, greva dhe vetëm greva. U drejtohem biznesit të vogël që kanë armik të vërtetë në këtë qeveri e cila pret fundin për dy muaj që t’u vendosë 23%-in. Rriti tarifën e energjisë. Çfarë presim më. Thirrja e çdo biznesmeni është që të ulen qepenat. Grevë e përgjithshme.

I bëj thirrje studentëve, bashkëmoshatarëve të tyre në Kosovë qeveria u dha nga 100 euro ndërsa kjo qeveri u jep mashtrimin. Të organizohet një lëvizje e fuqishme studentore. Jemi 30 herë më të fuqishëm se këta që vjedhin çdo ditë. U bëj thirrje pedagogëve të ngrihen, të mos lënë një copë injorant t’u tregojë dijet. Një njeri që nuk është i denjë as për mësues vizatimi. Greva e përgjithshme është rruga për t’i prerë biletën kësaj qeverie. U bëj thirrje policëve që mashtrohen nga mëngjesi deri në darkë dhe trajtohen si qenie inferiore. E dëgjuat Panganikën si i drejtohej varësit të tij në zyrë. I bëj thirrje punonjësve të administratës. Grevë dhe vetëm grevë.

Ora thërret, koha po vjen. Duhet të jemi në lartësi dhe jo të vijojmë. I bëj thirrje taksistëve. I bëj thirrje qytetarëve të ngrihemi se kjo që ndodh me çmimet në Shqipëri nuk ndodh në asnjë vend të botës. Bordet komuniste kanë rritur çmimet më shumë se në çdo vend tjetër të Europës. Nxënësve të gjimnazit. Koha nuk pret”, u shpreh Berisha.

Kryesore Berisha Thirrje për greva