Dmytro Orlov, kryebashkiaku ukrainas i Enerhodarit, është shprehur se trupat e Kremlinit po kërkojnë shpërblime prej 50,000 hryvnia ukrainase ose (1,400 paund) për t’u paguar, ushtarëve ose të afërmve të tyre nëse dëshirojnë që të arrestuarit të lirohen.
Raportohet se forcat e Presidentit rus, Vladimir Putin janë duke rrëmbyer dhe torturuar në mënyrë sistematike individë ukrainas duke përdorur strategji të tmerrshme të ndjekura nga nazistët.
Dmytro Orlov, tha se të arrestuarit po detyroheshin të pranonin pjesëmarrjen ose mbështetjen e sulmeve të rezistencës, ku sipas tij civilët gjithashtu janë torturuar me rrymë elektrike, janë rrahur dhe mbajtur peng për javë e nganjëherë muaj me radhë.
Orlov, tregoi se goditja ruse po i detyronte banorët të ngriheshin dhe të largoheshin, duke përfshirë këtu edhe teknikët jetikë e të nevojshëm për të operuar centralin bërthamor të Zaporizhzhia.
“Qindra banorë të qytetit aktualisht po mbahen robër. Njerëzit goditen nga rryma, rrihen dhe mbahen për javë e nganjëherë edhe muaj. Ata detyrohen të rrëfejnë për veprimtari të paligjshme veçanërisht pjesëmarrjen në vetëmbrojtje të qytetit, fshehjen e armëve dhe të përmendin emrat e bashkëpunëtorëve të tjerë”, tha ai.
Profesor Alexander Motyl, në Universitetin Rutgers, Newark, tha se forcat e Kremlinit po përsërisnin strategjitë e Gjermanisë naziste dhe se metodat shtrënguese janë mënyra e tyre e vetme për të kontrolluar popullsinë, duke shtuar se edhe Stalini dikur mbështetej në ushtrimin e forcës tek pjesa e pabindur për popullatën e përgjithshme.
“Nazistët vepruan në të njëjtën mënyrë gjatë Luftës së Dytë Botërore, siç vepruan sovjetikët. Në të dyja rastet, detyrimi ishte i madh, duke sjellë arrestime, vrasje, dëbime… Plus një ndryshim“, tha ai.
Lajmi vjen pasi Komanda Operacionale Jugore e ushtrisë ukrainase pohoi gjithashtu se forcat e komanduara nga presidenti rus Vladimir Putin në Kherson dhe qytetin e afërt të Mykolaiv kanë filluar gjithashtu rrëmbimin e të afërmve të ushtarëve ukrainas.
Svetlana Zalizetskaya, drejtoresha e gazetës lokale Holovna Gazeta Melitopolya dhe uebsajtit të lajmeve RIA-Melitopol, tha për France 24 se ajo ishte e frikësuar nga Galina Danilchenko, kryetarja pro-ruse në detyrë.
Sipas sajë Danilchenko i kërkoi Zalizetskaya të bëhej propagandiste për Rusinë, por ajo refuzoi dhe më pas disa ditë më vonë ajo zbuloi se babai i saj ishte marrë peng.
“Kërkesa e tyre ishte e qartë: ai do të kthehej nëse do të dorëzohesha”, tha ajo.
Madje sipas informacioneve një politikan i lartë rus ka sugjeruar gjithashtu se ata duhet të rrëmbenin ministrin e mbrojtjes së NATO-s në Ukrainë dhe ta çojnë në Moskë.
