Presidenti i Republikës së Shqipërisë, Ilir Meta ka dekoruar me Titullin “Mjeshtër i Madh”, ish-futbollistin legjendar të Tiranës, Shkëlqim Muçën. Me anë të një postimi në faqen e tij zyrtare në rrjetin social “Facebook”, Presidenti i Republikës së Shqipërisë, Ilir Meta e publikon vetë këtë lajm duke deklaruar se Muça ka hyrë në historinë e sportit shqiptar:
Meta ka shprehur konsideratën më të lartë për Muçën gjatë ceremonisë së dhënies së titullit duke e konsideruar një futbollist të jashtëzakonshëm, dirigjent të shkëlqyer dhe gjithmonë fitues.
Ai thotë se asnjë shqiptar nuk mund të harrojë ndeshjen historike Shqipëri-Belgjikë ku kuqezinjtë fituan 2-0 dhe pikërisht Muça kishte një peshë të madhe në sulm.
Gjithashtu Meta thekson se në kohët e vjetra, kur Muça bashkohej në sulm me Mingën dhe Kolën ishin të pandalshëm.
