Ish-banorja e Big Brother Semi Jaupaj është përballur ditën e sotme në gazetaren Iva Tiço në “Big Brother VIP Fan Club”, pasi ajo kishte thënë se në të kaluarën, Semi ishte lidhur me ish-të dashurin e Borës.
“Kam dëgjuar shumë gjëra, por një video 2 minuta, ku ti thoje që i kam marrë të dashurin Borës, ka qenë e vetmja që më ka prekur”, tha Semi. Ajo tha se ishte lënduar jo vetëm ajo, por edhe familja e saj.
Semi shtoi se rasti i përmendur ka qenë për kohën kur ajo ka qenë adoleshente. Por dashuria e saj e parë ka qenë Bojkeni, ndaj i bie që kjo të kishte ndodhur kur ishte 12-13 vjeç, duke e bërë të pamundur për të qenë e vërtetë.
Një reagim i tillë ka bërë që gazetarja Iva Tiço t’i kërkojë falje Semit.
