Shkruar nga Pamfleti
I kërkoi para dhe seks qytetares, gjyqtari "i pacipë" habit në gjykatë
I plasi skandali “sheshit”, por gjyqtari Roland Hysi mësohet se ka kërkuar lirinë nga qelia.
Hysi u arrestua 24 orë pas publikimit të një video nga emisioni investigativ “Stop”, ku ai shfaqej duke i kërkuar para dhe seks një qytetarje në këmbim të një vendimi në Gjykatë.
Mirëpo, kjo video nuk e ka penguar Hysin ti kërkojë Gjykatës së Apelit shfuqizimin e masës së sigurisë “arrest me burg”.
Ankimi i Hysit është depozituar mëngjesin e së hënës nga avokati i tij, Alban Bengasi.
Hysi pretendon se video-përgjimi i publikuar në programin investigativ “Stop” është provë e papërdorshme, si dhe nuk ka rrezik largimi dhe rrezik për dëmtimin e provave.
Roland Hysi u denoncua teksa merrte rryshfet dhe kërkonte favore seksuale kundrejt një vendimi të favorshëm.
