Tod Bohli po bën një revolucion të madh te Çelsi, teksa pas presidentit Brus Bak, blutë e Londrës përshëndesin edhe Marina Granovskaia.
Tashmë është zyrtare lamtumira e ekzekutives historike të Çelsit, anëtare e bordit drejtues që nga viti 2013, më pas drejtoreshë ekzekutive dhe drejtuese e zonës teknike.
Këtë lajm e ka bërë vetë publik Çelsi me anë të një komunikate zyrtare në sajtin e saj, duke fale nderuar Marina Granovskaian për punën e kryer gjatë këtyre viteve.
“Ne mezi presim të mbështesim Tomas Tuhel, Ema Hajes dhe ekipet e tyre dhe do të ofrojmë mbështetje proaktive dhe të pandërprerë për t’i bërë krenarë tifozët besnikë të Çelsit dhe partnerët tanë”, thuhet në deklaratën e tyre.
Vlen të theksohet se “Zonja e Hekurt” ruso-kanadeze ka qenë përgjegjëse për shumë transferime apo afrime të reja në merkato, pjesë e të cilëve edhe Armando Broja që mori një kontratë deri në vitin 2026.
