Aktualitet20 Maj 2022, 00:45

I shpallur në kërkim, Florenc Çapja mesazh nga arratia; çfarë shkruan për lidhjen me Nuredin Dumanin dhe Henrik Hoxhën

Shkruar nga Pamfleti
I shpallur në kërkim, Florenc Çapja mesazh nga arratia;

Një person, i identifikuar si Florenc Çapja, ka dërguar një mesazh në celularin e gazetarit Spartak Koka, ndërsa ky i fundit ndodhej në studion e “Opinion” duke diskutuar për operacionin e SPAK, i cili mundi të shkatërronte 8 grupe kriminale me aktivitet në Tiranë, Durrës, Elbasan dhe Lezhë.

Sikurse është shprehur Koka, në mesazh personi në fjalë deklaron se nuk ka asnjë lidhje me Nuredin Dumanin dhe Henrik Hoxhën. Çapja për të cilin tashmë ka një urdhër arresti nga SPAK, besohet se ndodhet në Dubai.

“Një person i cili thotë se është Florenc Çapja,  po ndjek emisionin live dhe thotë se: Unë këta persona në jetën time kurrë nuk i kam takuar. Këta persona nuk i kam parë asnjëherë. E ka fjalën për Nuredin Dumanin dhe Henrik Hoxhën”, tha Koka.

Aktualitet #Superoperacioni i SPAK/ Florenc Capja Spartak Koka