Kronike17 Janar 2023, 13:33

I shpallur në kërkim për drogë, arrestohet 38-vjeçari në Vlorë

Shkruar nga Pamfleti
I shpallur në kërkim për drogë, arrestohet 38-vjeçari

Ditën e sotme policia e Vlorës ka arrestuar një 38-vjeçar, i cili ishte i shpallur në kërkim për prodhim dhe shitje të narkotikëve. Niko Isaraj, banues në fshatin Kropisht ishte i dënuar me 3 vjet e 4 muaj burg.

“Në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, nga specialistët e Seksionit për Hetimin e Trafiqeve dhe Narkotikëve në DVP Vlorë, bazuar dhe në inteligjencën informative, për vendndodhjen e një shtetasi në kërkim, u bë kapja dhe ndalimi i shtetasit Niko Isaraj, 38 vjeç, banues në fshatin Kropisht, Vlorë.

Ky shtetas ishte shpallur në kërkim pasi Gjykata e Apelit Vlorë, me vendimin e datës 16.11.2022, ka rikthyer në fuqi vendimin e datës 24.02.2022, të Gjykatës së Shkallës së Parë Vlorë, e cila e ka dënuar 38-vjeçarin, me 3 vjet e 4 muaj burgim, nga të cilat i kanë mbetur për të vuajtur edhe 1 vit, 2 muaj e 22 ditë, për veprën penale “Prodhimi dhe shitja e narkotikëve”.

Shërbimet e Policisë, në vitin 2020, gjatë kontrollit në banesën e këtij shtetasi, në fshatin Kropisht, Vlorë, kanë gjetur dhe sekuestruar në cilësinë e provës materiale një sasi të konsiderueshme lënde narkotike cannabis sativa.”-thuhet në njoftimin e policisë.

Kronike Arrestim policia e Vlorës