Një variant i ri i Covid-19 është identifikuar në një provincë në Afrikën e Jugut, por ka të dhëna se mund të jetë përhapur më tej. Mutacioni i ri është cilësuar si “i tmerrshëm”, nga ekspertët, të cilët thonë se është varianti më i keq , raporton BBC.
Varianti quhet B.1.1.529 dhe ka të ngjarë t’i jepet një emër i koduar grek (si variantet Alfa dhe Delta) nga Organizata Botërore e Shëndetësisë gjatë ditës së sotme.
Prof Tulio de Oliveira, drejtori i Qendrës për Reagimin dhe Inovacionin Epidemik në Afrikën e Jugut, tha se kishte një “plejadë të pazakontë mutacionesh” dhe se ishte “shumë i ndryshëm” nga variantet e tjera që kanë qarkulluar.
“Ky variant na befasoi, ka një kërcim të madh në evolucion [dhe] shumë mutacione të tjera që ne prisnim”, tha ai.
Por shqetësimi është se ky virus tani është rrënjësisht i ndryshëm nga origjinali që u shfaq në Wuhan, Kinë. Kjo do të thotë se vaksinat, të cilat janë krijuar për të përballuar llojin origjinal, mund të mos jenë aq efektive.
