Presidenti Ilir Meta ka deklaruar me bindje se nuk do të bashkëpunojë kurrë politikisht me kreun e socialistëve Edi Rama.
I ftuar në emisionin “Opinion”, Meta tha se Rama ka cenuar sovranitetin e Shqipërisë dhe interesat kombëtare, për këtë arsye nuk mund të bashkëpunojë.
“Asnjëherë, asnjëherë. Me një politikan që vë në diskutim sovranitetin dhe integritetin e Shqipërisë dhe interesat kombëtare. Nuk ka e nuk do të ketë bashkëpunim me Ilir Metën. Meta e ka raportin me shqiptarët.“- i është përgjigjur Meta pyetjes për nonjë aleancë të mundshme me Ramën në të ardhmen.
