Një person ka tentuar të çajë rrethimin e Kongresit Amerikan. Ai ka përplasur makinën në muret mbrojtëse të Capitol, teksa më pas ka vrarë veten.
Vetura u përfshi nga flakët dhe më pas shoferi doli e nis të qëllojë me armë në ajër. Pasi oficerët e policisë së Kapitolit iu afruan, ai qëlloi veten për vdekje.
“Nuk besohet se personi kishte në shënjestër ndonjë anëtar të Kongresit, pasi ata janë në pushim. Po ashtu oficerët e sigurisë nuk qëlluan me armët e tyre”, thuhet në njoftim.
Departamenti i Policisë Metropolitane të DC po kryen një hetim për këtë çështje, thuhet në deklaratën e Policisë së Kapitolit.