Në skenarin për ta lënë këtë biznes fitimprurës në dorë të miqve të tij Klodian Zoto e Mirel Mërtiri, zv/kryeministri Arben Ahmetaj, përveç dy ministreshave Mirela Kumbaro e Delina Ibrahimaj, ka futur në lojë dhe Kryetarin e Bashkisë Elbasan, Gledian Llatja; i cili ka hartuar një realacion fiktiv të dërguar te kryeministri, me kërkesën që landfilli të vazhdojë akvitetin si biznes privat, sikur gjoja Bashkia nuk ka kapacitete për ta administruar deri në vitin 2030
Megjithëse dosja e landfilleve Tiranë-Elbasan-Fier është në proces hetimi nga SPAK, për vendime qeverie në shkelje të ligjit e kosto të larta financare fiktive, kryeministri Rama dhe “Tigri” i tij zëvendës, nuk po i ndalin pazaret në favor të Klodian Zotos e Mirel Mërtirit.
Burime nga Ministria e Ekonomi-Financave, kanë bërë me dije për “Pamfleti”, se ka nisur skenari për të zgjatjen me 10 vite të tjerë, të koncesionit të plehërave në Landfillin e Elbasanit, biznes në administrim nga grupi mafioz “Ahmetaj-Zoto-Mërtiri”.
Sipas kontratës koncesionare datë 16.12. 2014, lidhur mes firmës “Albtek Energy shpk” dhe ish-ministrit Lefter Koka, afati i këtij koncesioni është për 7 vite dhe përfundon më 16.12.2021, pa të drejtë përsëritje asnjë ditë me tepër.
Sipas detyrimit kontraktor, në mes të muajit dhjetor 2021, poseduesit “de facto” Klodian Zoto e Mirel Mërtiri, duhet t’ia dorëzojnë landfillin Bashkisë së Elbasanit, duke mos patur më asnjë të drejtë pronësore, financiare e ushtrimi aktiviteti mbi atë objekt.
Mirëpo, Rama e “Tigri” janë vënë në lëvizje, që landfili të mos i dorëzohet Bashkisë Elbasan, por të vazhdojë të jetë biznes në duart dyshes Zoto-Mërtiri, duke ia zgjatur afatin e kontratës koncesionare në shkelje të ligjit.
Për ta realizuar këtë qëllim, janë përdorur Ministrja e Mjedisit Mirela Kumbaro dhe Ministrja e Ekononi-Financave, Delina Ibrahimaj, njera si firmosëse e zgjatjes së kontratës; ndërsa tjetra si miratuese e projektit ekonomiko-financiar.
Dy ministreshat, janë urdhëruar të bëjnë rolin e propozueses në Këshillin e Ministrave, për zgjatjen e kontratës së Landillit të Elbasanit e për vazhdim të tij, si biznes nga firma “Albtek Energy shpk” me administratore gruan e Mirel Mërtirit, ish mikeshë e Klodian Zotos.
Përvec tyre, “Tigri” ka futur në lojë dhe kryebashkiakun e Elbasanit, Gledian Llatja; i cili para 1 jave, ka dërguar te kryeministri, një relacion fiktiv sikur gjoja Bashkia, nuk ka kapacitete për ta administruar këtë impiant mbetjesh, deri në fund të vitit 2030.
Dy interesat që fsheh ky skenar mafioz, urdhëruar nga Edi Rama e zbatuar nga “Tigri”
- Biznesi i përpunimit të mbetjeve urbane e inerte në Qarkun Elbasan, është me super-fitim financiar për grupin “Zoto-Mërtiri”, mbasi përveçse është ndërtuar me 29 milionë Euro të qeverisë, firma private nuk paguan asnjë detyrim taksë e fitime në shtet.
- Zotëruesit, nuk duan ta dorëzojnë landfillin, sepse brenda territorit të tij, me Leje Nr. 4557/7, datë 31.10.2016, të dhënë në shleje të ligjit nga ish-ministri Damian Gjiknuri; ata kanë ndërtuar një TEC ilegal me afat për 25 vite, me të drejtë përsëritje për 25 vite të tjerë.
Me këtë TEC prodhojnë energji elektrike dhe e shesin privatisht te pushteti lokal e institucionet shtetërore të Qarkut-Elbasan; ndërsa po e dorëzuan landifillin te Bashkia Elbasan, Klodain Zoto e Mirel Mërtiri humbasin dhe të drejtën e shfrytëzimit të TEC-it, mbasi në letra e kanë pasqyruar sikur është pjesë e landfillit./Pamfleti
