Politike23 Maj 2022, 10:38

Integrimi/ Rrëzohet kërkesa e PD-LSI për mocionin me debat me Ramën, Balla: Keni reflektuar, ishte pa firmën e non-gratës

Shkruar nga Pamfleti
Integrimi/ Rrëzohet kërkesa e PD-LSI për mocionin me debat me

Integrimi/ Rrëzohet kërkesa e PD-LSI për mocionin me debat me Ramën, Balla: Keni reflektuar, ishte pa firmën e non-gratës

Kryeministri Edi Rama ka njoftuar nëse në qershor nuk hapen negociatat e anëtarësimit, Shqipëria do të kërkojë shkëputjen nga Maqedonia e Veriut.

Pas kësaj deklarate pak ditë më parë deputetët e LSI dhe Rithemelimit në Kuvend kanë kërkuar mocion me debat urgjent me kryeministrin.

Kreu i grupit parlamentar socialist Taulant Balla ka zbuluar sot në Kuvend se kërkesa është paraqitur pa firmën e Berishës.

Ndonëse ky i fundit u zgjodh dje kryetar i PD, Balla tha se çdo dokument që ka firmën e tij refuzohet menjëherë.

Dy fjalë për aspektin formal lidhur me paraqitjen e kërkesës dhe kundërshtitë e saj me rregulloren e Kuvendit.

Kjo kërkesë nuk përmbush atë që përcakton neni 98 i rregullores dhe si i tillë aspekti formal nuk përmbushet.

Në fakt dua ta falënderoj propozuesin që në kërkesën që kanë depozituar në Kuvend nuk është kërkesa në fakt që ka qarkulluar në media, sepse në kërkesën që kemi në Kuvend nuk është firma e non-gratës dhe pse në media ka qarkulluar një tjetër. Ky është reflektim i madh që keni hequr dorë nga dokumente ku përfshihet non-grata sepse e dini ajo refuzohet menjëherë, pa asnjë lloj argumenti. Është hap i madh dhe keni kuptuar që të mos sillni më kërkesa me firmën e non-gratës. Nuk do të miratohet kjo kërkesë nga ana jonë. E para më vjen keq që nuk keni kuptuar asgjë. E dyta, nëse doni instrument parlamentar për t’u sqaruar për këtë çështje, keni instrumentin e interpelancës, instrumentin e seancës së pyetjeve, por me mocion me debat për këtë çështje, se Shqipëria në rast se në qershor nuk do të mbahet konferenca ndërqeveritare për shkak të bllokimit bullgar, Shqipëria të ketë të drejtën të kërkojë mendoj se është një çështje në të drejtën tonë. Kemi zhvilluar një proces shumë të gjerë konsultimit me qytetarët. Besoj që 2/3 e familjeve shqiptare i janë përgjigjur pozitivisht kësaj çështjeje. Në qershor do kemi më shumë diskutime sepse në qershor ne presim konferencën e parë ndërqeveritare. Franca po bën të gjitha përpjekjet që Konferenca e parë të mbahet. Shqipëria nuk mund të jetë dëmi kolateral i një çështjeje ku Shqipëria nuk është pjesë fare. Në debatin mes RMV dhe Bullgarisë, Shqipëria nuk ka pse të merret peng. Shqipëria në të gjitha raportet thuhet se i ka përmbushur 100% të gjitha kushtet për çeljen e negociatave”, deklaroi Balla.

Politike Edi Rama integrimi LSI PD Taulant Balla