Interi ka mposhtur me rezultatin e pastër 2-0 Shaktarin e Donjetskut në javën e pestë të Grupit D dhe ka shkuar vetëm një hap larg 1/8-ave të Champions League.
Një kualifikim që do të zyrtarizohej nëse Sherifi i Tiraspolit nuk do të arrijë të fitojë kundër Realit të Madridit.
Protagonisti i ndeshjes në “San Siro” ishte Edin Xheko, autor i dy golave në harkun e gjashtë minutave, 61 dhe 67, që i dhuruan një fitore të rëndësishme zikaltërve.
Fiton edhe Ajaksi, që blindoi Grupin C falë lojtarit surprizë të këtij sezoni të Champions League.
Holandezët fituan 2-1 me përmbysje në fushën e Beshiktashit falë dy golave të shënuar nga Haler, i aktivizuar në pjesën e dytë.
27-vjeçari, me golat e shënuar në minutën e 54 dhe 69, është bërë lojtari i parë në historinë e Championsit që shënon 9 gola në pesë ndeshjet e para të karrierës, të luajtura në këtë kompeticion.
Haler ka thyer rekordin e Haland.
