Sport22 Nëntor 2022, 20:36

“Irani po planifikon një sulm terrorist në Kupën e Botës”, shërbimet inteligjente ngrenë alarmin

Shkruar nga Pamfleti
“Irani po planifikon një sulm terrorist në Kupën e

“Irani po planifikon një sulm terrorist në Kupën e Botës”, shërbimet inteligjente ngrenë alarmin

“Irani po planifikon kryerjen e një sulmi gjatë Kupës së Botës në Katar, për të tërhequr vëmendjen nga protestat e dhunshme që i kanë marrë jetën mbi 300 personave.”

Ky është alarmi i ngritur së fundmi nga shefi i nga Shërbimit të Inteligjencës së Izrelit, Gjeneralmajor Aharon Haliva.

“Po ju them se iranianët tani po mendojnë të sulmojnë edhe Kupën e Botës në Katar”, tha Haliva në një konferencë të Institutit për Studime të Sigurisë Kombëtare (INSS) në Tel Aviv.

“Irani po kërkon të ruajë destabilitetin si një gjë konstante. Në një kohë kur bota rreth tij është e qendrueshme dhe lulëzon, kjo është e kundërta e asaj që po ndodh brenda Iranit”, tha Haliva, sipas The Times of Israel.

“Kupa e Botës ka të ngjarë të jetë një nga ato ngjarje në të cilat përpiqet të shkaktojë destabilitet,” shtoi ai.

Haliva shtoi se ka ‘shqetësim të vërtetë’ brenda Iranit se trazirat ‘rrezikojnë’ regjimin.

“Në këtë fazë, unë nuk shoh një rrezik për regjimin, por ndërsa presioni mbi Iranin rritet, duke përfshirë presionin e brendshëm, përgjigja iraniane është shumë më agresive, kështu që ne duhet të presim përgjigje shumë më agresive në rajon dhe në Botë.”- tha ai.

Irani prej javësh është përfshirë nga protesta të dhunshme, të cilat nisën pas vrasjes së një 22-vjeçareje, e cila u dhunua nga policia pasi nuk kishte vendosur si duhet shaminë e kokës. Irani akuzohet për shkeljen e të drejtave të njeriut, e mbi të gjitha për shtypjen e grave dhe mungesën e barazisë gjinore.

Sport Irani Kupa e Botës shërbimet inteligjente