Politike31 Tetor 2022, 18:58

Isa Sakja rikthehet në garë për kreun e Bashkisë së Kavajës, shpall kandidaturën për primaret në PD

Shkruar nga Pamfleti
Isa Sakja rikthehet në garë për kreun e Bashkisë së

Ish-kreu i Bashkisë së Kavajës, Isa Sakja ka shpallur kandidaturën për Bashkinë e Kavajës dhe është përfshirë në procesin e primareve. Lajmin e ka bërë të ditur vetë Sakja përmes një mesazhi në ‘Facebook’.

Kujtojmë se Sakja, ishte kryebashkiak në kohën kur PD-ja drejtohej nga Lulzim Basha, tani ai mësohet se ka shpallur hapur konkurrimin për primaret e PD-së.

Postimi Sakja në Facebook

Të dashur qytetarë të Bashkisë së madhe Kavajë,

Pas konsultimeve e takimeve me Ju, që më mbështesni e më frymëzoni, vendosa të shpall kandidaturën time për postin e Kryetarit të Bashkisë Kavajë.

“Të ecim përpara e me guxim drejt fitores sonë të pandalshme!”

Askush nga ne nuk mund ta durojë më këtë bllokim të demokracisë si të ngecur në një trafik që nuk lëviz më nga kapaciteti i ulët qeverisës, nga babëzia e madhe e qeveritarëve për të marrë gjithçka për vehten dhe një grup të vogël oligarkësh që i rrethon. Zgjedhjet konkuruese prodhojne demokraci. E gjithë jeta është përpjekje për të realizuar një qëllim, e vetmja zgjedhje që ne mund të bëjmë është të zgjedhim qëllimin e drejtë.

Në 14 maj 2023 ne, populli i Kavajës e kemi zgjedhur qëllimin tonë: ne do të rikthejmë demokracinë në pushtetin lokal. Ne do të rivendosim marrëdhënien e drejtë me çdo qytetar e grup interesi e do t’i marrin vendimet vetëm nëpërmjet konsultimit të gjerë me qytetarët dhe në interesin e tyre publik.

Të guxosh të konkurrosh për t’ju përfaqësuar Ju , interesat tuaja, shpirtin tuaj demokratik është për mua një detyrim dhe një mision njëkohësisht i cili nis sot dhe do të përfundojë me 14 maj me fitoren tuaj të Bashkisë Kavajë.

Ne kemi guximin, kemi energjinë pozitive, kemi dashurinë për qytetin, kemi eksperiencën ndaj do të kemi edhe FITOREN! Skuadra jonë e madhe; bashkimi i gjithë qytetareve te Kavajës, motra e vëllezër në shpirt si dhe besa që i kemi dhënë historisë e njëri- tjetrit për çuarjen përpara të vlerave të demokracisë dhe ripërtëritjen e qytetit nuk mund të njohë tjetër, veçse FITORE!

Ajo i do guximtarët!

Politike #Sakja Kandidat Kavajë