Ish-i im i dashur, për shumë kohë kam mbajtur dhimbjen në zemrën time, por tani e di që duhet të të falenderoj për gjithçka që më bëre të kaloj, sepse ishte falë teje, që arrita të jem në gjendje për të zbuluar anën më të mirë të jetës.
Ndaj, tani po të shkruaj këtë letër falenderimi:
I dashur ish-i im,
Faleminderit që ma bëre jetën të mjerueshme për pak kohë. Më ndihmove të kuptoj se meritoj më shumë. Faleminderit që më le të isha zgjedhja e dytë, sepse tani kutpoj që mund të përfshihem me dikë që di të më vlerësojë më shumë.
Faleminderit për të gjitha mesazhet pa përgjigje dhe për të gjitha netët pa gjumë, pasi nuk e dija ku ishe. Ishte një periudhë e vështirë, por tani e di se kur ka besim në një marrëdhënie, gënjeshtrat nuk janë të nevojshme.
Falminderit që më shantazhove emocionalisht dhe më bëre të zgjedh mes teje dhe jetës sime, sot e di që duhet të jem gjithnjë prioriteti im, sepse të tjerët ia mbathin, por unë mbetem gjithnjë shoqja e vetes sime.
Faleminderit për fjalët e paedukata dhe mungesën e dashurisë, sot e di që nuk mund t’ia lejoj askujt në jetën time të më qëndrojë pranë nëse nuk më trajton me respekt dhe konsideratë.
I dashuri ish-i im, kam kaluar shumë momente të veshtira krah teje, nga të cilat mendoja se nuk do e merrja kurrë veten, por e gjithë kjo dhimbje i hapi derën një zbulimi të veçantë, më solli një forcë që nuk e dija se e kisha.
Sot jam një grua tjetër, më e përgjegjshme për veten dhe vlerat që kam. Ky ndërgjegjësim vjen nga një vend i dhimbjes së madhe, por më bën edhe më të fortë. Nuk do i lejoj më kurrë vetes të kaloj të njëjtat situata, sepse tani di kë të mbajë krah vetes.
Ndaj, faleminderit një mijë herë për gjithçka më bëre të kaloj, ke qenë ti ai që më hape sytë mbi faktin që meritoj të më duan vërtet. Tani di shumë mirë çfarë të kërkoj dhe ku të mos kthehem më kurrë.
I dashur ish-i im, faleminderit që më hape sytë, e transformove mënyrën time të të parit të marrëdhënieve dhe më bëre një grua shumë më të mirë.
Ka një arsye për gjithçka në jetë dhe e di se arsyeja për të cilën ti erdhe në jetën time, ishte të më mësoje se një burrë nuk mund ta përcaktojë kurrë vlerën time.
Për të gjithë këtë, faleminderit shumë! /Përshtatur nga Pamfleti
Bota
