Showbiz26 Janar 2023, 11:19

‘Isha marrëzisht i dashuruar dhe iu ktheva alkoolit dhe substancave’, Amos Zaharia flet për periudhën e ‘errët’

Shkruar nga Pamfleti
‘Isha marrëzisht i dashuruar dhe iu ktheva alkoolit dhe

‘Isha marrëzisht i dashuruar dhe iu ktheva alkoolit dhe substancave’, Amos Zaharia flet për periudhën e ‘errët’

Amos Zaharia ka rrëfyer disa detaje nga jeta e tij gjatë sfidës së dhënë nga BBV, “Loja e memories”. Pasi tregoi se si ka emigruar në disa vende së bashku me nënën dhe motrën, e më pas rikthimin në Shqipëri, banorët e kanë pyetur për detaje të tjera.

Bjordi e pyeti për dashurinë e parë dhe Amos u shpreh: “Ka qenë për një vajzë që erdhi komshie m’u përballë shtëpisë sime. Ajo ishte pak më e madhe se unë në moshë. Mund të ketë qenë eksperienca ime e parë”.

Ndërsa duke folur për vuajtjen e parë të dashurisë, Amos u shpreh:

“23-24 vjeç kam vuajtur shumë, sepse kam qenë vërtetë marrëzisht i dashuruar, por në kuptimin më të keq të fjalës. Dashuroja duke qenë i paplotë dhe ajo ishte gjëja që më plotësonte. E kur u shkëput nga jeta ime, unë kam kaluar një 6-vjeçar shumë tronditës për mua sepse nuk arrita dot ta përballoja mirë, iu ktheva alkoolit, iu ktheva substancave e gjërave të tilla. Megjithatë arrita ta kaloja dhe më mësoi shumë se si realisht njeriu duhet të dashurojë”, tha ai.

Amos tha se nuk është dashuruar më në atë mënyrë dhe nuk do donte kurrë të ndodhte më ashtu. Sipas tij, gjatë zhvillimit ka kuptuar se duhet të plotësojë  veten e tij dhe të jetën mirë me veten e tij.

Reality Show #alkool dhe substanca Amos Zaharia