Gjatë vizitës së djeshme të Presidentit të Turqisë Erdogan në Shqipëri Kryeministri Rama i ka dhuruar atij një vazo.
Rama ka postuar sot në mëngjes një video ku i prezanton presidentit turk veprën e tij të artit.
Kryeministri shprehet se vazon e ka bërë ai, me duart e tij, nuk është e paketuar dhe duhet mbajtur me kujdes. Ndërsa nuk munguan batutat e tij me Erdogan, i cili gjithashtu i kishte sjellë një vazo të punuar prej sarajit Jëlldëz, prodhim i Turqisë.
Rama: E kam bërë vetë me këto duar.
Erdogan: Qenka shumë e mirë.
Rama: Po jam artist serioz. Megjithatë sic thashë, në shtëpi duhet të shkojë se zonja e kupton më mirë artin tim. Këtë vetëm duhet ta mbajmë me kujdes.
Erdogan: Në shtëpi do ta vendos në vendin më të mirë.
Rama: Nuk e kemi paketuar se është e rrezikshme por ta mbajnë me kujdes.
