Shkruar nga Pamfleti
Janë mbyllur gjashtë nga shtatë ndeshjet e javës së 5-të në Kategorinë e Parë të futbollit në Shqipëri ku u shënuan gjithsej 16 gola.
Në Peqin, Besa dhe Korabi janë ndarë në barazim 1-1. Ntephe shënoi për vendasit, ndërsa në fundin e takimit, Hoxhaj vendosi ekuilibrat. Në pushim të pjesës së parë pati konflikt mes tifozëve dhe arbitrit Mario Shabanaj, me pjesën e dytë që nisi me vonesë.
Gjithashtu barazim, por me rrjeta të paprekura është ndarë dhe ndeshja mes Lushnjës dhe Flamurtarit në stadiumin “Roza Haxhiu”.
Në sfidat e tjera, Orikumi fitoi 2-1 me Tomorin ndërsa Tërbuni dhe Apolonia barazuan 1-1 në Pukë. Turbina dhe Luzi barazuan 2-2 ndërsa Skënderbeu bëri poker 4-1 me Burrelin në Korçë, falë golave të Pusit dhe tripletës së Temitope.
Nesër luajnë Dinamo – Besëlidhja në 12:30, ndeshja e fundit e javës së 5-të. Aktualisht renditjen e kryeson Korabi dhe Tërbuni me nëntë pikë, ndërsa Dinamo ka mundësinë që me një fitore nesër të marrë kreun.
Rezultatet e Javës së 5-të
Lushnja 0-0 Flamurtari
Besa 1-1 Korabi
Tërbuni 1-1 Apollonia
Orikumi 2-1 Tomori
Turbina 1-1 Luzi 2008
Skëndërbeu 4-1 Burreli
Dinamo – Besëlidhja (Luhet nesër)
