Ish kryeministri, Sali Berisha vazhdon të përhapë panik për të qenë në qendër të vëmendjes, tani që për ndërkombëtarët ai është një non-grata.
Duke folur për mediat në hyrje të Parlamentit, ai tha se Shqipëria është në rrezik dhe sirenat e alarmit po bien në të katër anët e vendit. Sipas tij e vetmja rrugëzgjidhje është protesta.
“Sirenat e alarmit për Shqipërinë në rrezik po bien në të katër anët e vendit. Mbrëmë, në një tryezë me aktivistë të shoqërisë civile, kryefjala ishte një dhe vetëm një: protestë. Qytetarët shqiptarë, duke nisur nga interesi i tyre kombëtar, tek shëndeti, vendi i punës, xhepat e tyre, ndjejnë se janë në rrezik të madh; ndjejnë një thirrje të brendshme se duhet me çdo kusht të marrin në dorë fatin e tyre dhe vendit të tyre. Kjo protestë është në datën 7 korrik, në orën 19:00, në Tiranë. E gjithë Tirana do të protestojë ndaj qeverisë. Me vendosjen e monizmit, kushtetueshmëria e kësaj qeveria ka rënë në mënyrë përfundimtare, tha Berisha.
