Presidenti amerikan Joe Biden është gati për të shkuar në Kiev pas tërheqjes së trupave ushtarake ruse në Lindje.
I pyetur nga mediet Biden u përgjigj pozitivisht. Deklaratat e Biden vijnë në një kohë kur Shtëpia e Bardhë po shqyrton rrethanat për dërgimin e një zyrtari të lartë në Kiev.
“Kë do të dërgoni? A jeni gati të shkoni? Po ju personalisht?”– këtyre pyetjeve të njëpasnjëshme Presidenti amerikan iu përgjigj duke thënë “Po”, megjithëse nuk dha ende emrin e një zyrtari të menduar nga administrata e tij për t’u dërguar në Kiev.