Xhakomo Vrioni është duke zhvilluar një sezon të shkëlqyer në kampionatin austriak me fanelën e Tirolit. Shqiptari ka realizuar 16 gola në kampionat, ndërsa ndjek në garën për “Këpucën e artë” Adejemin e Salcburgut, i cili ka 19 të tillë.
I huazuar nga Juventusi, 23-vjeçari shqiptar ka zgjuar interesin e shumë klubeve të njohura Europiane, që kanë hedhur “grepat” për ta pasur Vrionin në ekip.
Së fundmi, mediat turke bëjnë me dije se sulmuesin është duke e vëzhguar edhe Beshiktashi. Vrioni pëlqehet shumë nga trajneri Valerien Ismael, që ka kërkuar angazhim nga klubi për ta afruar në merkaton e verës.
Sipas të njëjtit burim, skuadra e njohur ka kërkuar fillimisht lojtarin e Sociedadit, Sorloth. Nga pamundësia për té finalizuar transferimin, drejtuesit e klubit kanë pyetur trajnerin e Beshiktashit, Ismael: “A nuk ka sulmues tjetër si norvegjezi?”. Në këtë moment trajneri ka dhënë emrin e Xhakomo Vrionit, që ka tipare të ngjashme me norvegjezin e Sosiedatit dhe pëlqehet shumë nga tekniku i Beshiktashit.
