Kampionia e Europës në 3000 metra me pengesa dhe fituesja e medaljes së artë, Luiza Gega do të jetë konkurrentja e parë e edicionit të 8 të “Dance With Me Albania” që do të startojë së shpejti në TV Klan.
Lajmi është bërë publik nga vetë produksioni i këtij spektakli përmes rrjeteve sociale, duke publikuar edhe foton e parë të 33-vjeçares.
Atletja shqiptare që bëri krenarë të gjithë shqiptarët me arritjet e saj, këtë herë sfidon ceten në pistën e kërcimit.
A do të shpallet ajo kampione në kërcim ashtu si në pistën e vrapit? Kjo mbetet për t’u parë.
Duke qenë se jam jashtë sezonit dhe garat na fillojnë në muajin shkurt, vendosa të provoj një eksperiencë të vogël ndryshe, shumeeee ndryshe në fakt. E di që do të argëtohem shumë dhe të them të drejtën, në këtë periudhë e kam mëse të nevojshme.
Praaaa le të fillojë argëtimi, shkruan Luiza Gega në rrjetin social Instagram.
Rreth dy javë më parë, Luiza Gega u shpall qytetare nderi e Bulqizës, si dhe u prit me ceremoni shtetërore nga Kryeminsitri Rama, ku ky i fundit i dorëzoi edhe një medalje.
