Përtej gjithë bujës që shkaktoi lajmi i divorcit të Kim dhe Kanye, asnjërsa prej palëve nuk ka reaguar deri më tani, duke qëndruar totalisht në heshtje. Dhe kjo heshtje nga ana e tyre e ka një arsye. Së fundmi është raportuar se gjitha problemet dhe ajo që ka ndodhur mes tyre do transmetohet në episodet e fundit të “Keeping Up With the Kardashians”.
Ndërkohë Kanye West është fotografuar për herë të parë në publik pas gjithë zhurmës mediatike për divorcin nga Kim Kardashian. Reperi është parë duke zbritur nga një avion, teksa një burim ka treguar se ai është kthyer në fermën e tij gjatë fundjavës.
“Kanye dukej i qetë, por shumë i ngrysur në fytyrë. Ai ishte shumë i butë dhe i qetë, teksa zbriste nga avioni. Bisedoi shkurtimisht me stjuardesat, para se të futej në makinën e tij. Ai ishte duke fluturuar me miqtë që kanë qenë në fermë, por Kanye u largua me bodyguardin e tij. Ai nuk priti për askënd. Thjesht shkoi drejt e në shtëpi”, kanë treguar burimet.
Të tjerë persona të afërt të reperit kanë thënë më herët për “E! News” se ai është mërzitur për divorcin, sepse vazhdon ta dashurojë Kim, por është i vetëdijshëm se marrëdhënia mes tyre nuk mundet të vazhdojë më gjatë. Ndërkohë kujtojmë se para disa javësh ndjekësit detajistë të çiftit vunë re se ylli i “Keeping Up With the Kardashians” e kishte hequr unazën me gur gjigant të martesës dhe në fotot e fundit në Instagram është shfaqur pa të.
